Yüklənir…
HAQQIMIZDA
"Keyfiyyətli təhsil, qlobal karyera və xaricdə yeni həyat fürsətlərini hər kəs üçün əlçatan edirik. Bizimlə sərhədləri aşmaq daha asandır."
2020-ci ildə təməli qoyulan Polcare, sadəcə bir məsləhət mərkəzi deyil, bir arzu ətrafında birləşən böyük bir ideyanın nəticəsidir. Bizim yolçuluğumuz Avropada yaşayan həmvətənlərimizi daha sıx bir araya toplamaq və gənclərimizin qlobal arenada inkişafına təkan vermək məqsədilə başladı.
Varşavada yaranan bu fikir qısa zamanda böyüyərək, təhsil və karyera yolunda Azərbaycanlıların ən etibarlı istinad nöqtəsinə çevrildi. Ötən illər ərzində yüzlərlə gəncin xaricdə təhsil almasına, sənədləşmə maneələrini aşmasına və nüfuzlu qlobal şirkətlərdə peşəkar yerini tapmasına vəsilə olduq.
Bizim üçün hər bir uğur hekayəsi, xalqımızın beynəlxalq səviyyədə təmsilçiliyinə verilən bir töhfədir. Bu gün Polcare həm bir Akademiya, həm də tam relokasiya mərkəzi olaraq sizin Avropadakı ən yaxın tərəfdaşınızdır.
Biz gələcəyini quran hər bir fərdin yanında durur, onların adaptasiya və inkişaf prosesini öz işimiz kimi mənimsəyirik. Gücümüz birliyimizdə, hədəfimiz isə hər birinizin qlobal uğurudur.
Beynəlxalq tələbə və mütəxəssislərə kompleks, etibarlı və fərdi xidmətlər təqdim etməklə onları gücləndirmək; xaricdə təhsil və yaşamı hər kəs üçün əlçatan, sərfəli və uğurlu etməkdir.
Beynəlxalq istedadları qlobal təhsil və peşəkar karyera imkanları ilə birləşdirən, mədəniyyətlərarası anlaşmanı və qlobal vətəndaşlığı təşviq edən aparıcı dünya platformasına çevrilməkdir.
NL Global Group-un Təsisçisi
Avropada 5 ildən artıq peşəkar təcrübəyə malik olan Təsisçimiz, xaricdə təhsil və xaricə köç (relokasiya) prosesləri üzrə ixtisaslaşmış mütəxəssisdir. Geniş sahəli təcrübəsi və güclü kommunikasiya bacarıqları ilə indiyədək 500-dən çox tələbənin və insanın Avropa sisteminə inteqrasiyasına, sənədləşmə işlərinə və peşəkar inkişafına birbaşa dəstək göstərmişdir.
"Məqsədimiz xaricdə yeni həyata başlamaq istəyən hər bir kəs üçün köç və adaptasiya prosesini maksimum dərəcədə rahat, şəffaf və təhlükəsiz etməkdir."
Mütəxəssislərdən ibarət komandamız xaricdə təhsil, karyera və relokasiya hədəflərinizə çatmağınız üçün hər addımda yanınızdadır. Hər bir üzvümüz öz sahəsində dərin təcrübəyə və sizin uğurunuz üçün böyük həvəsə malikdir.
Həmtəsisçi və Karyera Mentoru
Avropada 5 ildən artıq korporativ təcrübəyə malik olan Nihad Quliyev, xaricdə təhsil və peşəkar karyera quruculuğu üzrə ixtisaslaşmış mütəxəssisdir. Bu günədək 500-dən çox gəncin Avropa bazarına inteqrasiyasına, müvəffəqiyyətli sənədləşməsinə və qlobal şirkətlərdə işə qəbuluna birbaşa rəhbərlik etmişdir.
Menecer Müavini
Polcare-nin Menecer müavini olan İnara Ağazadə, şirkətin daxili əməliyyatlarının idarə edilməsi və xidmət keyfiyyətinin təmin olunmasına məsul şəxsdir. O, müştəri proseslərinin koordinasiyası, biznesin inkişafı və konsultasiya xidmətlərinin operativ təşkili üzrə geniş təcrübəyə malikdir. İş axınlarının optimallaşdırılması və komanda daxili tapşırıqların icrasına rəhbərlik edən İnara xanım, Polcare-nin hər bir müştərisinə yüksək standartlara uyğun, sürətli və effektiv xidmət göstərilməsini təmin edir.
Təhlükəsizlik Mühəndisi və Texnoloji Mentor
Procter & Gamble (P&G) şirkətində Təhlükəsizlik Mühəndisi olan İnci Əhmədzadə, qlobal infrastrukturun mühafizəsi və kiber-təhlükəsizlik sistemlərinin avtomatlaşdırılması üzrə mütəxəssisdir. Accenture və P&G kimi qlobal korporasiyalarda zəngin təcrübəyə malik olan İnci xanım, 'Women in Tech Summit' konfransının spikeridir. O, Polcare-də gənclərə Avropanın texnologiya bazarında karyera qurmaq və müasir kiber-təhdidlərlə mübarizə metodlarını mənimsəmək istiqamətində mentorluq edərək, onların beynəlxalq İT mühitinə inteqrasiyasına rəhbərlik edir.
Şəffaflıq və dürüstlük üzərində qurulmuş uzunmüddətli əlaqələr yaradırıq.
Hər bir müraciətə fərdi yanaşır və ən yüksək xidmət standartlarını tətbiq edirik.
Sizin uğurunuz bizim əsas hədəfimizdir. Real nəticələr üçün çalışırıq.
Müştərilərimizin qlobal bazarda rəqabətədavamlı olması üçün daim yenilikləri izləyirik.
